Unanuko ohiturarik esanguratsuenak inauteriak dira. Bertan Mamuxarroak pertsonaia nagusiak dira. Hauek, zuriz jantzita, metalezko maskara (katola deitzen dena) aurpegian, gerriko gorria eta eskuan makila luzea izanda, bidean topatzen dituzten guztiei mehatxuka eta joka aritzen dira. Bestalde, abuztuaren 7an edo ondorengo iganderik gertuenean Nafarroako erromeriarik altuena ospatzen da San Donaton.