Gurdi bidea
Burgoseko Quintanar de la Sierra herrian hasiko da abuztuaren 31an, irailaren 17an, Pasaiara iritsiko den Gurdi bidea ibilbidea. 18 etapa dituen bidearen lau etapa Sakanatik pasako dira. Behiek eta idiek daramatzaten hiru gurdietan, San Juan baleontzia kalapetatzeko balio izango duen bikea eta alkitrana garraiatuko dute. Lehen gai horiek eta baleontzia modu tradizionalean eginak daude. Ibilbidean zehar, kultur ekimen desberdinak antolatu dira ibilbideak igarotzen dituen herrietan. Quintanar de la Sierrako Cabaña Real de Carreteros eta Albaola Itsas Kultur Faktoria dira ekimen honen sustatazaileak.
